港龍新裝 加手機充電位

<轉載自2013年1月25日 明報 港聞版>  

 

港龍航空噚日宣布今年起陸續為全部38架客機，引入全新嘅搖籃式商務同經濟艙飛機椅，等乘客可以坐得闊落同舒服啲。兩類客艙都有輕觸式屏幕，方便睇片玩遊戲。港龍預計第一架全新面貌嘅客機，會喺今年3月同大家見面，成個機隊可以喺2014年完成改裝。

第一架新機3月見人

客艙同時配備全新機上娛樂系統，有超過100齣電影、500套電視、888張音樂專輯同各種遊戲，全部座位仲有插頭同智能手機充電位，啱晒香港人。

港龍行政總裁楊偉添（Patrick）話，港龍舊年嘅營運同載客力都升咗7%，但頭等艙同商務艙嘅載客率升幅未符預期，所以整體收益增幅低過7%。佢講笑咁講，話坊間有傳中共十八大期間，好多官員取消搭飛機公幹，唔知會唔會因為咁令佢哋頭兩艙少咗人搭喎。

之前有報道話港龍取消短途機飛機餐熱盤，Patrick話咁做唔係為慳錢，而係希望搭一兩個鐘頭飛機嘅乘客，唔好食得咁趕咁話。

 

港龍噚日介紹佢哋今年起會推嘅全新飛機客椅，會有輕觸式屏幕，方便睇片玩遊戲，仲有智能手機充電位。