空中少爺減人工

<轉載自2013年2月18日爽報 副刊 欄名: 殺戮職場 撰文: CK Leung>

 

農曆新年與任職國泰空中少爺的好友G相聚，我問：「有冇食『肥雞餐』？」G笑說：「咪玩啦！夠食過世咩！」

 

國泰推出的自願提早退休計劃，正是針對G這類90年代初入職的中年空中服務員。「差幾年退休嘅人先會接受！」P沒好氣說。

 

「咁起碼有2%人工加?！」我打趣。眾所周知國泰加薪2%。「減薪就有！」G說：「月薪加咗三幾百，allowance就減咗三成，咁係咪減人工？」G所說的allowance是空中服務員的外站津貼，原來自去年開始國泰將長途航班時間重新編排，如五日的行程改作四日，四日改三日，目的是要減少外站支出。

 

「以前去紐約五日有550美金，𠵱家去四日，公司慳咗一日酒店，我哋津貼得番330美金。平均一個月兩次長途機，扣扣埋埋少咗三千幾港紙！」

 

「之前工潮冇嘈咩？」我好奇。「上年除咗fight人工，最主要係嘈『攞命更』，即係通宵航班，夜晚11點飛，通宵喺飛機做嘢，到咗第二朝又飛返香港，點頂！上次嘈完，二月先取消。公司業績唔好要cut成本，點會理你，最好你啲長工唔做，請過啲日薪制同菲律賓人，平好多。如果唔係使乜出『肥雞餐』？」G說。