台選首投 陳健民「含淚」投民進黨

<轉載自2024年1月13日 明報 加東版 港聞版>

今日係台灣大選投票日，今年多咗一批港人成為首投族，包括喺當地定居嘅佔中發起人、台灣政治大學社會學系客座教授陳健民。佢接受《德國之聲》訪問時形容自己有少少「含淚投票」，批評執政民進黨空講「今日香港、明日台灣」、「台灣係民主燈塔，所以好支持香港」等，但其移民政策就唔見得歡迎港人，令人非常失望。

陳健民喺訪問話，有港人為咗逃避《港區國安法》而走到台灣，但嚟到就變成「國安疑慮」，「幾咁傷佢哋心，呢班人本來嚮往台灣民主自由，呢幾萬人本來都會投票畀民進黨」。佢又話，台灣移民政策令港人面對好多阻撓，自己「唔係好忿氣投畀民進黨，但始終都係大局為重」。

不滿對港人移民政策

對比喺香港同台灣投票，陳健民憶述當年佔中案服刑期間喺監獄投票，台灣人就有啲將選票視為理所當然，都令佢好感慨。